Plantun de Prouvènço

Pèr coumpara dos planto d'encò nostre

Cicendia filiformis & Cyperus esculentus

Cicendia filiformis

Gentianaceae

Nom en français : Cicendie filiforme.

Descripcioun :
La cicendìo, pichoto planto (3-20 cm), trachis dins li tepiero de terraire séusous. Es uno planto de l'an que li fueio soun en lanço e de segur óupousado. Li flour, jauno e di quatre petalo, soun pourtado pèr un long pecou. Es uno planto aparado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Cicendia
Famiho : Gentianaceae

Ordre : Gentianales

Coulour de la flour : Jauno
Petalo : 5
Ø (o loungour) flour : 5 mm
Flourido : Printèms

Sòu : Si
Autour basso e auto : 0 à 600 m
Aparado : Vo
Abriéu à jun

Liò : pelouso umido - Mueio - Riéusset
Estànci : Mesoumediterran à Subremediterran
Couroulougi : Mediterrano-atlantico
Ref. sc. : Cicendia filiformis (L.) Delarbre, 1800

Triangle(-manjadis)

Cyperus esculentus

Cyperaceae

Nom en français : Souchet comestible.

Descripcioun :
Lou triangle-manjadis trachis dins li limas de ribiero o li culturo. Pèr l'ouro n'i'a pas gaire au nostre, soulamen un pau au couchant. Se recounèis à sis enflourejado jauno daurado e subretout à si cabosso o tubercule. Douno un pau d'èr à Cyperus rotundus que fai de cabosso negro. La varieta presentado eici, Leptostachyus, èi naturalisado (óurigino Americo de l'uba).

Usanço :
Coume lou dis soun noum es uno planto manjadisso. En Espagno s'adoubo emé lou tubercule l'horchata de chufa, valènt-à-dire l'ourjado de triangle. Se fai tambèn un òli de qualita, richo en vitamino E e bon pèr la pèu.